डिएसपीको फुली थुत्ने सर्वेन्द्रले अपराधीलाई कदापी छुट दिने छैनन्

२०७५ कार्तिक २७, मंगलवार २२:३० मा प्रकाशित

जेलबाटै समिरमानले बनाएका थिए तिहारमा चर्चित पत्रकार र चिकित्सकको हत्या योजना,घटना हुनु अगाडि नेपाल प्रहरीले सफल अपरेसन गरेको छ।अनुसन्धानमा नेपाल प्रहरी दक्षिण एसियामा सर्वोत्कृष्ट छ।मूल्यांकन हल्लामा होइन, तथ्यमा र एउटा घटनालाई हेरेर होइन, समग्रतामा हुनुपर्छ। प्रहरीजस्तो दोषी कर्मचारीलाई ठाउँका ठाउँ कारबाही गर्ने अर्को कुनै संस्था छैन।नेपालगन्जका व्यवसायी हेमकर परिवार हत्याकाण्डमा सफल अनुसन्धान भयो। २०६२ मा भएको हत्याको २०७५ मा सफल अनुसन्धान भयो। असोज १० मा पोखराकी १० वर्षीया श्रेया विकलाई जबर्जस्ती करणी र हत्या गर्ने अभियुक्तलाई २४ घन्टाभित्रै समातियो।

असोज ९ गते रौतहटकी सम्झना दासमाथि एसिड प्रहार गरी मार्ने अभियुक्तलाई चार दिनभित्रै समातियो। झापामा असोज १९ गते चार वर्षीया बालिका बलात्कार गर्ने अभियुक्त सोही दिन समातियो। मानव बेचबिखन मुद्दाका फरार दम्पत्ति मीना लामा र श्यामकुमार लामा इन्टरपोल कुवेतको समन्वयमा पक्राउ परे। जबर्जस्ती करणी गरी विदेश फरार भएका सिन्धुली मरिण गाउँपालिकाका ३१ वर्षीय सिंहलाल थिङलाई इन्टरपोलको सहयोगमा यूएईमा पक्राउ गरियो। के यी सफलतामा प्रहरीले धन्यवाद पायो रु यसले हाम्रो प्रवृत्ति देखाउँछ। तथापि, प्रहरी विचलित हुनु हुँदैन।असोज ५ गते सुनसरी, भुताहामा गोली हानेर भाग्दै गरेको अभियुक्तलाई पक्राउ गर्न खटिएका प्रहरी जवान शिवप्रसाद पौडेल अपराधीकै गोली लागेर गम्भीर घाइते भए। तत्काल अभियुक्तलाई गोली प्रहार गर्दा कुनै कमजोरी भए कारबाही नहुने विश्वास दिलाउन सकेको भए प्रहरीले पहिले गोली प्रहार गर्थे।अपराधी ठाउँको–ठाउँ ढल्ने थियो।

प्रहरीमाथि खेलबाड गर्ने तत्वहरू पनि हुन्छन् । तस्करहरूले कालोबजारी गर्नेहरूले गर्छन् । संगठित अपराध गर्नेहरूले गर्छन्, यिनीहरू प्रहरीलाई कमजोर र आफ्नो नेक्सस बलियो बनाउन खोज्छन् । राजनीतिसँग जोडिएर समेत प्रहरीलाई कमजोर बनाउने प्रयास हुन्छ। त्यसमाथि अहिले संविधान कार्यान्वयन गर्ने अवस्थामा उनीहरू गैरसंवैधानिक क्रियाकलाप गरेर प्रहरीलाई कमजोर बनाउन खोज्छन्।कुनै एक प्रहरीले गरेको कमजोरीमा समग्र संगठनमाथि नै औंला उठाउनु जायज हुँदैन । कतिपय घटनामा कहिले सांसद संलग्न भएका छन्, कहिले शिक्षक, कहिले पत्रकार संलग्न भएका छन्, कहिले को भएका छन् । एक जना संलग्न भएको आधारमा समग्र वर्ग,पेसा वा क्षेत्रलाई लाञ्छित गर्नु ठीक होइन।

त्यसमाथि प्रहरी संगठन अझ संवेदनशील संगठन हो, यो तमाम नागरिक एवं समग्र राष्ट्रको संगठन हो। त्यसकारण यो संगठनभित्र केही कमजोरी छन् भने त्यसलाई सुधार्नुपर्छ, बदमासहरू छन् भने कारबाही गर्नुपर्छ, तर समग्र संगठन नै यस्तो–उस्तो भन्नु जायज होइन।छिटपुट घटना संसारभर घट्छन तर देशमा गुन्डागर्दी नियन्त्रण र नागरिक सुरक्षमा देखाएका तत्परता उदाहरणीय छन्।त्यसैले प्रहरीलाई आफ्नो ठानौं किनभने प्रहरी नेपाल र नेपालीको गौरव हो।प्रहरीको समग्र योगदान र उपलब्धिलाई एउटा मुद्दामा मात्र जोड्न उचित हुँदैन।अनुसन्धान र कारबाही भीडले गर्ने होइन। कानुनबमोजिम हुने हो।नेपालमा शुसासनसँगै नागरीकको शान्ति सुरक्षा प्रहरीको प्रमुख जिम्मेवारी हो।यतिखेर देशमा अमनचयनको सवालमा महत्वपूर्ण भुमिका निवार्ह गर्न सफल आईजिपी सर्वेन्द्र खनाल बधाईका पात्र हुन्।