दाङका प्रमुख दुई शहरमा कांग्रेसका संस्थापक नेताका शालिक

२०७६ भाद्र २३, सोमबार २१:१६ मा प्रकाशित

दाङ । दाङमा प्रमुख दुई शहरहरुमा नेपाली कांग्रेसका संस्थापक नेता विश्वेश्वरप्रशाद कोईरालाका शालिकहरु स्थापना गरिएका छन् ।

सोमबार (आज) दाङका दुई प्रमुख शहरहरु तुलसीपुर र घोराहीमा एक-एकवटा पूर्णकदका शालिकहरु स्थापना गरिएको हो । यी दुबै शालिकहरुको अनावरण गर्न पार्टी सभापति शेरबहादुर देउवा दाङ आउने छन । 

SPONSORED

नेपाली कांग्रेस दाङका सभापति कीर्तिबहादुर खड्काका अनुसार पार्टी सभापति देउवाले भदौ २७ गते घोराहीमा वीपीको सालिक अनावरण गर्ने छन् भने दोस्रो दिन भदौ २८ गते तुलसीपुरमा अनावरण गर्नेछन् । शालिक अनावरण गर्न पार्टी सभापति आउने गरी सबै कार्यक्रमहरु तय गरिएको जिल्ला सभापति खड्काले जानकारी दिए ।

SPONSORED

तुलसीपुरमा यसअघि अर्धकदको शालिक थियो । त्यो हटाएर पूर्णकदको सालिक स्थापना गरिएको छ । तर घोराहीमा भने पहिलो पटक नयाँ सालिक स्थपाना गरिएको हो । तुलसीपुरको सालिक स्थापना गर्न झन्डै ७ लाख र घोराहीमा १६ लाख खर्च भएको कांग्रेसले जनाएको छ ।

SPONSORED