घोराही उपमहानगरपालिकाले ठेला व्यवस्थापन गर्न सकेन

२०७६ असार २६, बिहीबार १२:०४ मा प्रकाशित

घोराही, २६ असार

घोराही उपमहानगरपालिकाले बजार व्यवस्थापनलागी थालेको प्रयास असफल देखीएको छ । उपमहानगरपालिकाले बजार व्यवस्थापनकालागी पटक पटक प्रयास थालेपनि खासै सफल हुन सकेको देखिदैन ।

SPONSORED

बजारमा अस्तव्यस्त हुने फुटपाथ व्यापारदेखी ठेला व्यवस्थापन उपमहानगरपालिकाकोलागी टाउको दुखाईको विषय बनेको छ । यसका साथै अव्यवस्थित पार्कीङपनि अर्को समस्या रहेको छ ।

SPONSORED

घोराही बजारको मुख्य मुख्य चोकहरुमा पुटपाथ व्यापार हुने गरेको छ । जसले गर्दा बजारको स्वरुप बिग्रीएको देखिन्छ । मुन्ख्य चोकहरुमा हुने अव्यवस्थित पार्किङ र ठेलाबाट हुने व्यापार व्यवस्थापन हुन सकेको देखिदैन ।

SPONSORED

उपमहानगरपालिकाले स्थानीय नियमावली अनुसार बजार व्यवस्थापन अन्तरगत रहने गरि करिब ३ महिना अगाडी घोराही उपमहानगरपाकिला वडा नम्बर १४ का अध्यक्ष शक्तीराम डाँगी संयोजक रहेको ठेला व्यवस्थापन समिति गठन ग¥यो ।

बजार व्यवस्थापनकालागी ठेला व्यवस्थापन पहिलो कार्य भएको भन्दै समितिले काम अगाडी बढायो । तर त्यस कार्यले खासै निरन्तरता पाउन सकेन ।

समितिको क्रियाशीलता हुँदा केही ठेला व्यवसायीहरु कारबाहीमा पनि परे तर अहिले फेरी सडकको समस्याको रुपमा ठेला देखिन थालेका छन् ।

हरेक दिन बेलुकाको समयमा तुलसीपुर चोकको चारैतर्फ सडकमै ठेला ल्याएर ठेला व्यवसायीहरुले व्यापार गरिरहेका हुन्छन् ।

जसले गर्दा पैदन यात्रुलाई हिड्न र सवारी आवागमनमा समेत समस्या देखिन्छ तर त्यसतर्फ न त उपमहानगरपालिकाले ध्यान दिएको छ न त ट्राफिक प्रहरीले ।

कतिपय अवश्थामा त झनै तुलसीपुर चोकको प्रहरी बिट छेउबाटै ठेला व्यवसायीहरुले फलफुल बेचिरहन्छन् ।

यसका साथै मुख्य चोकहरुमा फुटपाथ व्यापार पनि भईरहेकै हुन्छन् तर त्यसको समाधान हुन सकेको छैन ।