घोराही बजारमा अब ठेला गुडाए दशहजार जरिवाना

२०७५ फाल्गुन २९, बुधबार २०:३० मा प्रकाशित

दाङ । दाङको सदरमुकाम घोराही बजारमा अब ठेला गुडाउन नपाइने भएक छन । व्यक्तिले एउटामात्रै ठेलामा व्यवसाय गर्न पाउने नियम बनाइएको छ । सडकमा जथाभावी ठेला गुडाए पाँचसय देखि दशहजार सम्म जरिवाना गर्ने नियम बनाए ।

घोराही उपमहानगरपालिकाको बजार व्यवस्थापन उपसमितिले ठेला व्यवसाय गर्नका लागि निश्चित ठाउँहरु तोक्दै बजारमा ठेला राख्न निषेध गरिएको हो ।

SPONSORED

ठेला व्यवसाय सञ्चालनका लागि घोराहीको ट्राफिक चोक, बालमन्दिर र पुरानो बसपार्कस्थित सभागृह निर्माणस्थल बाहिर ठाउँ तोकिएको छ ।

घोराही बजार क्षेत्रमा करिब १ सय ठेला व्यवसायी रहेको अनुमान छ । कसैले अटेर गरी बजार क्षेत्रको सडकमा ठेला गुडाएको पाइएमा ५ सयदेखि १० हजार रुपैयाँसम्म जरिवाना हुने भएको छ ।

नगर प्रमुखको संयोजकत्वमा रहेको बजार व्यवस्थापन समितिले प्रभावकारी कार्य सञ्चालन गर्न वडा नम्बर १४ का अध्यक्ष शक्तिराम डाँगीको संयोजकत्वमा उपसमिति गठन गरेर बजार व्यवस्थापनको काम थालेको छ ।

SPONSORED

उपसमितिले सोमबार घोराही बजारका ठेला व्यवसायीहरुलाई भेला गराई व्यवसाय सञ्चालन गर्न निश्चित ठाउँहरु तोकिएको विषयमा जानकारी गराएको छ ।