केन्द्र सार्दा कसरी अधिनायकबाद

२०७४ पुष १८, मंगलवार ०८:१७ मा प्रकाशित

पछिल्लो समयमा स्थानीय तहले काम गरेर भन्दा पनि नाम र केन्द्र सारेर अलि बढी चर्चामा रहेका छन् । रोल्पा र दाङका केही स्थानीय तहले नाम परिवर्तन तथा केन्द्र सारेको भन्दै स्थानीयले विरोध गरेसंगै ती स्थानीय चर्चामा रहेका छन् । दाङका बबई र शान्तिनगर गाउँपालिकाले सबै वडा र जनतालाई ध्यानमा राख्दै केन्द्र सार्ने विषयलाई प्राथमिकता दिएका छन् । खासगरी बबई गाउँपालिकाको केन्द्र सारेपछि अधिनायकबादको विषय लिएर त्यसक्षेत्रका युवाहरुले सामाजिक सञ्जालमा बढी पोष्ट गरेको पाइएको छ । केन्द्र सारेर अधिनायकबाद भयो की भएन केन्द्र सार्ने र आरोप लगाउनेलाई थाहा होला । काम गर्दा विधी पु¥याउनु पर्छ र केही विधी पुगेका छैनन् भने पनि त्यसलाई सच्याएर हामीहरु अगाडि बढ्नुपर्छ । यद्यपी गाउँपालिकाको केन्द्र सारेको विषयलाई लिएर उच्च अदालतसम्म पुगेको छ । पुस १७ गते गाउँपालिकाको नाममा अदालतले अन्तरिम आदेश पनि जारी गरीसकेको अवस्था छ । यद्यपी अदालतले अन्तिम निर्णय दिन भने बाँकी रहेको छ ।

यस विषयमा कोही खुशी हुनुपर्ने र कोही दुखी हुनुपर्ने छैन । गाउँपालिकाको केन्द्र सार्ने विषयमा केही त्रुटि भएका होलान् ती त्रुटिहरुलाई समाधान गर्नुको साटो युवा पंक्तिले अधिनायकबाद भनेर सम्बोधन गरीरहदाको समयमा हामीले बाताबरणलाई कस्तो बनाउँदैछौँ भन्ने विषयलाई पनि ध्यान दिन जरुरी छ । स्वभाविक रुपमा हामीहरुले सबै विषयलाई ध्यानमा राखेर काम गर्न जरुरी हुन्छ । हिजो निर्वाचन समयमा सिंहदरबारका अधिकार गाउँ तहमा आउँने छन् भने जसरी उमेदवार र दलका नेताहरुले भाषण गरेका थिए त्यसलाई सबैले ध्यान दिनुपर्छ । आफुले चाहेको जस्तो नहुन पनि सक्छ तर कहाँबाट कसरी जनतालाई सहज सेवा दिन सकिन्छ भन्ने विषयलाई सबैले ध्यान दिन जरुरी छ । भुगोल र ब्यक्ति तथा ईगोको लडाईमा जनतालाई मारमा पार्नुहुन्न । राजनीति र स्वार्थको लोभमा कसैले काम गर्नु पनि हुदैन । स्थानीय तहले काम गर्नुपर्ने समयमा केन्द्र सार्ने निर्णयले पक्कै पनि हामी कसैलाई फाइदा हुदैन ।

SPONSORED

हिजो दिनमा पुरन्धारा गाविस मात्रै हुदा हापुरे र हंसपुर भुगोलको लडाईले केही काम गरेको थियो । गाउँपालिका भएसंगै अहिले पुरन्धारामा पञ्चकुले गाविस पनि गाभिएको छ । त्यसैलाई आधारमा मान्ने हो र हापुरेको बढ्दो बजारीकरणलाई ध्यानमा राख्ने हो भने हापुरे केन्द्र बन्दा कसैलाई घाटा लाग्दैन बरु बबईको समृद्धिमा टेवा पुग्छ । होइन भने हंसपुर क्षेत्रमा घर भएका प्रशाकीय अधिकृत हापुरे काम गर्न नआउने र हापुरे क्षेत्रमा घर भएका अध्यक्ष हंसपुरमा काम गर्न नजाने हो भने बबईको भविष्य अन्यौलमा झनै पर्ने देखिन्छ । त्यसैले हामी अधिनायकबाद भनेर एकले अर्कालाई आरोप लगाउने काम गर्नुभन्दा पनि कसरी यस विषयलाई टुंगो लगाउन सकिन्छ भनेर गम्भिर भएर काम गर्दा हामी सबैलाई फाइदा पुग्ने देखिन्छ ।

SPONSORED

SPONSORED