दाङ,
४-चैत /  राष्ट्रियसभा सदस्य कोमल ओलीले दाङको तुलसीपुर स्थित प्रादेशिक अस्पतालमा विशेषज्ञ चिकित्सकहरू पठाउन माग गरेकी छिन् ।

राष्ट्रिय सभाको सोमबारको बैठकमा विशेष समय लिएर बोल्दै सांसद ओलीले सम्पूर्ण विशेषज्ञ सेवासहित चिकित्सकहरू पठाउन माग गरिन् ।

अस्पतालमा प्राविधिक र भौतिक सामानहरू पनि नहरेको भन्दै सांसद ओलीले छिटोभन्दा छिटो चिकित्सक पठाउन माग गरिन् ।

प्रादेशिक अस्पतालमा दाङसहित बिभिन्न जिल्लाबाट बिरामीहरु आउने भन्दै उक्त अस्पतालमा खालि रहेका बिशेषज्ञ चिकित्सक दरबन्दी पूरा गर्न माग गरिन् ।

उनले १५-१६ जना चिकित्सकहरूको दरबन्दी रहेको राप्ती प्रादेशिक अस्पतालमा ४-५ जना चिकित्सकहरूले सेवा दिएको भन्दै स्वाथ्यमन्त्री र सम्बन्धित निकायको ध्यानाकर्षण गराईन् ।