![](https://jagaranonline.com/wp-content/uploads/2021/06/ropai-1.jpg)
सिन्धुली — वर्षाले साथ दिएपछि सिन्धुलीको महाभारत क्षेत्रका किसानलाई यतिखेर रोपाइँको चटारो छ । अघिल्ला वर्ष धानको बीउ पहेंलिन लाग्दा समेत पानी नपर्दा किसानहरू आकाशतिर हेर्दै पुर्पुरोमा हात लगाउन बाध्य थिए । तर अहिले बीउ तयार हुनासाथ मौसमले साथ दिएको छ । खोला–खहरे भरिएका छन् । त्यसैले महाभारत उत्तरतर्फका पहाडी खेतमा यसपालि अझ रौनक छाएको छ ।
![](http://jagaranmedia.com/wp-content/uploads/2021/06/ropai-3-650x346.jpg)
![](http://jagaranmedia.com/wp-content/uploads/2021/06/ropai-2-650x314.jpg)
कमलामाई नगरपालिका–३ जलकन्याका किसान रत्नबहादुर कार्कीले पन्चैबाजासहित रोपाइँ गरेका छन् । दोहोरी गीतको भाकामा हली, रोपाहार, बाउसे, ब्याडेलगायतले खेत गुञ्जायमान् बनाएका छन् ।
![](http://jagaranmedia.com/wp-content/uploads/2021/06/ropai-4-540x433.jpg)
रोपाइँलाई परम्परागत बेठीको झल्को दिँदै कलाघर सिन्धुलीका कलाकार पनि हिलो खेल्न व्यस्त रहे । यस्तो रमाइलो गर्दै परम्परा जोगाएर रोपाइँ गर्न पाएकोमा किसान कार्की दंग थिए । ‘किसानलाई कृषि पेसाप्रति उत्साहित बनाउन र गाउँघरमा लोप भएको पर्मको महत्त्व दर्साउन मज्जासँग दोहोरी घन्काइयो,’ उनले भने ।
![](http://jagaranmedia.com/wp-content/uploads/2021/06/ropai-5-650x405.jpg)
गाउँघरबाट लोप भएको बेठीलाई नै बिर्साउने गरी कलाघरका कलाकारले रोपाइँलाई अझ तताएको उनले सुनाए ।
![](http://jagaranmedia.com/wp-content/uploads/2021/06/ropai-6-650x354.jpg)
![](http://jagaranmedia.com/wp-content/uploads/2021/06/ropai-7-650x416.jpg)
![](http://jagaranmedia.com/wp-content/uploads/2021/06/ropai-8-650x411.jpg)
![](http://jagaranmedia.com/wp-content/uploads/2021/06/ropai-9-650x388.jpg)
![](http://jagaranmedia.com/wp-content/uploads/2021/06/ropai10-650x414.jpg)
![](http://jagaranmedia.com/wp-content/uploads/2021/06/ropai11-621x433.jpg)
ईकान्तिपुरबाट साभार